(ភ្នំពេញ)៖ អនុវត្តតាមការណែនាំរបស់លោក ឃួង ស្រេង អភិបាលរាជធានីភ្នំពេញ, អាជ្ញាធរខណ្ឌទាំង១៤ សហការជាមួយកងទ័ពជើងគោក បានដឹកជញ្ជូនស្បៀងអាហារ ទៅចែកជូនប្រជាពលរដ្ឋដែលមានជីវភាពខ្វះខាត នៅតំបន់បិទខ្ទប់ ដើម្បីចូលរួមបង្ការ និងទប់ស្កាត់នូវការរីករាលដាលជំងឺកូវីដ១៩។

ក្នុងរយៈពេល២ថ្ងៃជាប់គ្នានេះ អាជ្ញាធរបានសម្រុកដឹកជញ្ជូនស្បៀងអាហារទៅចែកជូនប្រជាពលរដ្ឋនៅតំបន់បិទខ្ទប់ចំនួន៤ម៉ឺនគ្រួសារបន្ថែមទៀត នៅតាមខណ្ឌចំនួន១៣។

រដ្ឋបាលរាជធានីភ្នំពេញនៅថ្ងៃទី១ និងថ្ងៃទី២ ខែឧសភា អាជ្ញាធរខណ្ឌនីមួយៗ បានបន្តសហការជាមួយកងទ័ពជើងគោក បន្តដឹកជញ្ជូនស្បៀង អាហារ ទៅជូនទៅប្រជាពលរដ្ឋចំនួន៤ម៉ឺនគ្រួសារបន្ថែមទៀត ក្នុងនោះបានដឹកជញ្ជូនទៅចែកជូនប្រជាពលរដ្ឋក្រីក្រី

មានដូចខាងក្រោម៖

ខណ្ឌមានជ័យ ១២,០០០គ្រួសារ

ខណ្ឌពោធិ៍សែនជ័យ ១៤,៧៥០គ្រួសារ

ខណ្ឌសែនសុខ ១,៥០០គ្រួសារ

ខណ្ឌព្រែកព្នៅ ១,០០០គ្រួសារ

ខណ្ឌឬស្សីកែវ ៣,០០០គ្រួសារ

ខណ្ឌជ្រោយចង្វា ១,០០០គ្រួសារ

ខណ្ឌដូនពេញ ៩០០គ្រួសារ

ខណ្ឌ៧មករា ១,៣០០គ្រួសារ

ខណ្ឌទួលគោក ៨០០គ្រួសារ

ខណ្ឌចំការមន ៦០០គ្រួសារ

ខណ្ឌបឹងកេងកង ៦៥០គ្រួសារ

ខណ្ឌច្បារអំពៅចំនួន ១,០០០គ្រួសារ

ខណ្ឌកំបូល ១,៥០០គ្រួសារ

គួរបញ្ជាក់ថា ទីបញ្ជាការដ្ឋានកងទ័ពជើងគោក អនុវត្តតាមបទបញ្ជារបស់លោកឧត្តមសេនីយ៍ឯក ហ៊ុន ម៉ាណែត អគ្គមេបញ្ជាការង នៃកងយោធពលខេមរភូមិន្ទ និងជាមេបញ្ជាការកងទ័ពជើងគោក បានប្រើប្រាស់កងកម្លាំងជាង ២០០នាក់ និងរថយន្តជាង៦០គ្រឿង ដើម្បីដឹកជញ្ជូនស្បៀងអាហារទៅចែកជូនប្រជាពលរដ្ឋដែលមានជីវភាពខ្វះខាតនៅក្នុងខណ្ឌទាំង១៤ ក្នុងរាជធានី ដែលមានដូចជា៖ អង្ករ, មី, ទឹកត្រី, ទឹកស៊ីអ៊ីវ, និងត្រីខជាដើម ដើម្បីរំលែកទុក្ខលំបាកប្រជាពលរដ្ឋ ខណៈបិទខ្ទប់រាជធានីភ្នំពេញ ដើម្បីទប់ស្កាត់ការរីករាលដាលជំងឺកូវីដ-១៩៕